აბსტრაქტი. 2020–2025 წლებში ფიშინგის შეტევები ტექნიკურად და სტრატეგიულად მნიშვნელოვნად განვითარდა. ამ კვლევაში გაანალიზებულია გლობალური ტენდენციები ღია კიბერუსაფრთხოების წყაროების საფუძველზე. ფიშინგის მეთოდებმა გამოავლინა მზარდი სირთულე და ტექნიკური დახვეწილობა, განსაკუთრებით მიზნობრივი შეტევების — BEC, ვიშინგი, სმიშინგი, უეილინგი და საძიებო ფიშინგის ფარგლებში. კვლევა ყურადღებას ამახვილებს იმ სექტორებზე, რომლებიც ყველაზე მეტად დაზარალდნენ (ფინანსები, ჯანდაცვა, განათლება) და განიხილავს თანამედროვე თავდაცვით მექანიზმებს, როგორიცაა AI-ფილტრები, ბიჰევიორალური ბიომეტრია და Zero Trust არქიტექტურა. შედეგები აჩვენებს, რომ თავდასხმები სულ უფრო რეალისტური და რთულად გამოსავლენი ხდება. დასკვნის საფუძველზე რეკომენდებულია ინტეგრირებული და მრავალშრიანი თავდაცვითი სტრატეგიების დანერგვა და AI ტექნოლოგიების აქტიური გამოყენება ფიშინგის პრევენციაში.