აბსტრაქტი. ციფრულ ეპოქაში ხელოვნური ინტელექტის (AI) სწრაფმა განვითარებამ შექმნა როგორც უპრეცედენტო შესაძლებლობები, ისე მნიშვნელოვანი კიბერუსაფრთხოების საფრთხეები. ერთ-ერთი ყველაზე საყურადღებო მოვლენაა Deepfake ტექნოლოგიის გამოჩენა, რომელიც აერთიანებს საფუძვლიან სწავლებასა და მედიამანიპულაციას ყალბი, მაგრამ რეალისტური ვიდეოებისა და აუდიო მასალების შესაქმნელად. სტატიაში გამოკვლეულია Deepfake-ის მიერ კიბერსივრცეში წარმოქმნილი საფრთხეები, განსაკუთრებით, თაღლითობის, ფიშინგის, დეზინფორმაციის გავრცელებისა და საზოგადოებრივი ნდობის ეჭვქვეშ დაყენების მიმართულებით. კვლევა აერთიანებს გლობალურ მაგალითებს, სადაც Deepfake ტექნოლოგია გამოყენებულია ფინანსური თაღლითობის, სოციალური ინჟინერიისა და პოლიტიკური პროპაგანდის მიზნით, რაც ადასტურებს მისი გამოყენების სიმარტივეს და მნიშვნელოვან საშიშროებას. სტატია ასევე მიმოიხილავს არსებულ ტექნოლოგიურ და რეგულაციურ მექანიზმებს, როგორიცაა მედია-ფორენზიკა, ბლოკჩეინი, AI-ზე დაფუძნებული მაიდენტიფიცირებელი მოდელები და საერთაშორისო საკანონმდებლო ჩარჩოები. განსაკუთრებული ყურადღება ეთმობა საზოგადოებრივი ცნობიერების ამაღლებას, ეთიკური სტანდარტების დაცვასა და სახელმწიფოების, ტექნოლოგიური კომპანიებისა და ინდივიდების თანამშრომლობის აუცილებლობას Deepfake-ის გავრცელებისა და არასამართლიანი გამოყენების შესაკავებლად.