აბსტრაქტი. სულ უფრო მზარდია კიბერთავდასხმების სტატისტიკური მაჩვენებელი და ჰაკერების სულ უფრო დიდ ინტერესს წარმოადგენს აკადემიური სექტორი, სხვადასხვა სახის სამეცნიერო - კვლევითი ცენტრები, თუ ლაბორატორიები. აკადემიურ სექტორზე კიბერთავდასხმების მთავარ მიზანს წარმოადგენს სტუდენტებისა და თანამშრომლების ისეთი პერსონალური ინფორმაცია, როგორიცაა მათი მისამართები, ტელეფონის ნომრები, სოციალური უსაფრთხოების ნომრები, საბანკო ანგარიშები და ფინანსური დოკუმენტები. აკადემიურ სექტორში არის საკმაოდ დიდ მოცულობის მონაცემთა ბაზები, უზარმაზარი საჯარო ინფორმაცია, სადაც შედის არა მარტო პერსონალური მონაცემები, რაც შეიძლება ითქვას უფრო მეორეხარისხოვანია, არამედ იქ არის ინფორმაცია სხვადასხვა სახის კვლევების შესახებ, ამ კვლევების შედეგების შესახებ, კონკრეტული კვლევების პროცესისა და ტესტირების შესახებ. ამ ტიპის ინფორმაცია სასარგებლოა სხვადასხვა ქვეყნის მთავრობებისთვის, რომლებიც თავიანთი სადაზვერვო სამსახურების საშუალებით ხშირად მიმართავან კიბერჯაშუშობას, მათთვის საინტერესო ინფორმაციის მოპოვების მიზნით, რაც შეიძლება ეხებოდეს სხვადასხვა სახის ტექნოლოგიურ გადაწყვეტილებებს, მიღწევებსა თუ გამოგონებებს. აკადემიური სექტორი და მასში გაერთიანებული სამეცნიერო - კვლევითი ცენტრები და ლაბორატორიები არიან კიბერშეტევების სამიზნეები, რადგან იქ არსებული უზარმაზარი მოცულობის მონაცემები არის დაუცველი და ღირებული.